Իտալիայի ՆԳՆ ղեկավար Անջելինո Ալֆանոն արգելել է արտասահմանում գրանցված միասեռ ամուսնությունները տանել քաղաքացիական կացության ակտերի գրանցման քաղաքային ռեգիստրներ: RTL ռադիոն հայտնում է, որ այս որոշումն աղմկոտ քաղաքական սկանալ է առաջացրել Ապենիններում, քանի որ շատ քաղաքների ղեկավարներ հրաժարվում են ենթարկվել կենտրոնական իշխանության տվյալ հրահանգին:
RTL-ի ուղիղ եթերում նախարարն ասել է, որ այդպիսի պրակտիկան հակասում է երկրի գործող օրենսդրությանը:
Վերջերս Իտալիայում, որտեղ օրենքը նույնասեռ մարդկանց չի թույլատրում ամուսնանալ, հաճախացել է արտասահմանում նման կապերը գրանցելու և հետո դրանք ըստ ամուսինների մշտական բնակության վայրի քաղաքապետարաններում գրանցելու պրակտիկան:
Նախարարի որոշումը հարուցել է Իտալիայի շատ քաղաքների ղեկավարների դժգոհությունը: Այսպես, Բոլոնիայի քաղաքապետ Վիրջինիո Մերոլան հրապարակավ հրաժարվել է ենթարկվել այդ որոշմանը: Ի աջակցություն նրան հանդես է եկել Իտալօայի մայրաքաղաքի ղեկավար Ինյացիո Մարինոն: Նեապոլի քաղաքապետը որոշում է ընդունել ՆԳՆ ղեկավարի ցուցումը բողոքարկել դատարանում, ինչին աջակցել է իշխող կոալիցիայի՝ Դեմոկրատական կուսակցության առաջատար ուժի ղեկավարի տեղակալ Դեբորա Սերակիանին:
