«Նոր տարում աշխարհը կարող է բախվել նոր ֆինանսական ճգնաժամի հետ»,– գրում է Financial Times թերթը:
«Մեկ կամ մի քանի երկրներ կարող են լքել եվրոգոտին: Բռնությունը կարող է տարածվել ամբողջ Մերձավոր Արևելքում: Չի բացառվում, որ ամերիկյան Կոնգրեսը երկիրը «ֆինանսական ճեղքվածքից» նետի ռեցեսիայի մեջ: Կարող է կղզիների վեճ առաջանալ Չինաստանի ու հարևանների միջև և Միացյալ Նահանգները ստիպված է լինելու միջամտել»,- նշում InoPressa-ն:
Բայց ամենամեծ վտանգը, ըստ պարբերականի, այն է, որ այս իրադարձություններից մեկն աշխարհը կնետի մեկ այլ ճգնաժամի մեջ:
Դրա պատճառները երեքն են: Առաջին՝ համաշխարհային տնտեսությունը դեռ չի ամրացել 2007-2008 թթ. ճգնաժամից հետո: Երկրորդ՝ տնտեսական քաղաքականությունը սպառել է իրեն: Երկուսն էլ՝ թե՛ ֆինանսականը, թե՛ գումարա-վարկայինը հասել են իրենց արդյունավետության գագաթնակետին:
Եվ վերջապես երրորդ պատճառը՝ քաղաքական անկայունությունն է: Այս վտանգը վերացնելու համար անհրաժեշտ է միջազգային համագործակցություն, որի նպատակը տարածաշրջանային ճգնաժամի վերահսկումն է, իսկ անհրաժեշտության դեպքում՝ նաև տնտեսական զսպիչ միջոցառումները։
Հավանական վայրը, որտեղից հնարավոր է իրականացնել նման համակարգում, հանդիսանում է «Մեծ քսանյակը» (G20): Փորձագետների կարծիքով՝ անհանգստության ևս մեկ առիթ է այն, որ հաջորդ տարի Ռուսաստանն է գլխավորելու G20-ը: