Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին, ամենայն հավանականությամբ, ԱՄՆ է մեկնելու հաջորդ տարվա գարնանը: Այս մասին այսօր լրագրողների հետ զրույցում հայտարարել է հենց ինքը՝ Իվանիշվիլին: Նա առավել իրատեսական է համարել, որ իր ամերիկյան այցը կարող է տեղի ունենալ մարտին կամ ապրիլին:
Հիշեցնենք, որ Իվանիշվիլիի ամերիկյան այցը պլանավորված էր դեռևս նոյեմբերին, սակայն այն հետաձգվեց: Իվանիշվիլիի խոսքերով՝ ամերիկյան կողմն ըմբռնումով է մոտեցել Վրաստանի ներքին խնդիրներին, և որ դրանց լուծման համար ժամանակ է պահանջում: Իվանիշվիլին հավելել էր, որ իր եվրոպական այցը տևել է 4 օր, և դա իր ազդեցությունը չի ունեցել երկրի ներքին խնդիրների լուծմանը, մինչդեռ իր ամերիկյան այցը տևելու է ավելի երկար, և որպեսզի իր բացակայությունը չազդի երկրի վրա, որոշվել է հետաձգել իր այցը:
