Բրիտանիայի իշխանությունները որոշել են հեշտացնել որդեգրման գործընթացը, որպեսզի որդեգրող ծնողների որոնումները ավելի արագ ընթանան,- հաղորդում է BBC-ին:
Պատրաստվելիք փոփոխություններից ամենախոշորը այն է, որ որդեգրողներին հնարավորություն կտրվի ծանոթանալ որդեգրման հերթում գտնվող երեխաների տվյալների բազայի հետ:
Բրիտանիայի կրթության դեպարտամենտի ներկայացուցիչը հայտարարել է, որ որդեգրմնա գործընթացը հեշտացնելու համար հարկավոր է փոխել սահմանադրությունը:
Կառավարությունը նաև ծրագրել է որդեգրողներին հնարավորություն տալ լրացուցիչ արձակուրդ վերցնել, որպեսզի կարողանան ավելի լավ ծանոթանալ երեխաների հետ: Մինչև երկու տարեկան որդեգրված երեխաներին շաբաթական 15-ժամյա անվճար տեղեր են հատկացվելու մսուրներում:
Կրթության փոխնախարար Էդվարդ Թիմփսոնը հաղորդել է, որ ամեն տարի երեխաների որդեգրման հանդեպ հետաքրքրությունն աճում է: Նման ցանկություն հայտնում են գրեթե 15 հազար բրիտանացիներ: Նրանք ճշտում են որդեգրման գործընթացը, սակայն շատերին վախեցնում են այդ գործընթացի բարդությունն ու երկարատևությունը: Պոտենցիալ ծնողների ստուգման համար երբեմն տարիներ են ծախսվում, և այդ ամբողջ ընթացքում երեխաները գտնվում են մանկատներում կամ էլ ժամանակավոր խնամակալների մոտ: