Ադրբեջանական «Թրենդ» լրատվական գործակալության փոխանցմամբ, Միսկի խմբում ամերիկացի համանախագահ դեսպան Ռոբերտ Բրադտկեն ավարտել է Մինսկի խմբի համանախագահի իր առաքելությունը:
Գործակալությունը տեղեկացնում է, որ Ադրբեջանում Միացյալ Նահանգների դեսպանությունից, մինչև նոր մշտական համանախագահի նշանակումը Բրադտկեին ժամանակավորապես կփոխարինի Յան Քելին:
Դեսպան Քելին 2010 թվականից ԵԱՀԿ-ում Միացյալ Նահանգների ներկայացուցիչն է: 2007-2009 թվականներին նա ղեկավարել է Պետդեպարտամենտի Ռուսաստանի բաժինը, իր դիվանագիտական գործունեության ընթացքում չորս տարի նաև Թուրքիայում ԱՄՆ-ի դեսպանատանն է աշխատել:
