Երկրաշարժից մի քանի օր առաջ Ճապոնիայի վարչապետ Նաոտո Կանը խորհուրդ էր ստացել Տոնիոյում ապրողներին վերաբնակեցնելու մասին, որպեսզի բնական աղետների ժամանակ հնարավոր լինի խուսափել բազմաթիվ զոհերից: Այս խնդիրն իրականացնելու համար Կանը համալսարանի դասախոս Տակաեսի Իդարասիին նշանակել էր խնդիրն ուսումնասիրող մարմնի ղեկավար: Այս մասին հաղորդում է Bloomberg գործակալությունը:
«Ես վարչապետին ասել եմ, որ հիմա ամենակարևորը Տոկիո բնակիչներին այլ վայրերում բնակարան տրամադրելն է: Հիմա մենք չգիտենք, թե ինչ արհավիրք է մեզ սպասում, բայց եթե դա տեղի ունենա Տոկիոյի մերձակայքում, ապա կկորցնենք ողջ երկիրը»,- ասել է Իրգարասին երկրաշարժից երկու օր առաջ:
Նրա հաշվարկներով, Տոկիոյից վերաբնակեցման համար անհրաժեշտ էր 245 մլրդ դոլար: Իգարասին կարծում է, որ Տոկիոյից ինքնակամ ոչ ոք չի հեռանա: Դրա համար նա կողմ է արտահայտվել այդ քաղաքում հարկերի բարձրացմանը: Գործակալության փոխանցմամբ, որոշ օրենսդիրներ կողմ են արտահայտվել Իգարասիի գաղափարին:
«Այս երկրաշարժից հետո պարզ դարձավ, որ Տոկիոն երկրի համար կարևորագույն շրջան է: Եվ դա՝ ոչ միայն տնտեսական առումով: Այս երկրաշարժը մայրաքաղաքին անմիջական վնաս չի հասցրել, սակայն աղետն այնքան էլ հեռու չէր»,- ասել է օրենսդիրներից մեկը:
Հիշեցնենք, որ մարտի 11-ին Ճապոնիայում տեղի է ունեցել հզոր երկրաշարժ, որին հաջորդել է ցունամին, որի ալիքների բարձրությունը գերազանցել են 10 մետրը: Այս պահին հայտնի է 28 հազար զոհվածների և անհետ կորածների մասին:
