Այսօր Չինաստանը դեմ է արտահայտվել 2013-ի ֆինանսական տարում ԱՄՆ-ի ազգային պաշտպանության մասին Կոնգրեսի հաստատած օրենքում ներառել Դյաոյույդաո և Տայվան կղզիների մասին կետերը: Այս մասին հայտարարել է ՉԺՀ ԱԳՆ ներկայացուցիչ Հուա Չունյինը` հայտնում է ITAR-TASS-ը:
Պեկինը «խորապես անհանգստացած է և կտրականապես դեմ է Չինաստանին վերաբերող կետերը 2013-ի ազգային պաշտպանության մասին օրենքում ներառելուն»` ասված է ՉԺՀ ԱԳՆ ներկայացուցչի հայտարարության մեջ:
1960-ին ԱՄՆ-ի և Ճապոնիայի միջև փոխադարձ համագործակցության և անվտանգության երաշխիքների մասին պայմանագիրը Չունյինն անվանել է «որոշակի պատմական ժամանակում կնքված երկկողմ համաձայնագիր»: Նա նշել է, որ այդ «դաշնագիրը չպետք է վնասի երրորդ կողմերի շահին, ներառյալ՝ Չինաստանի, և ծառայի այլ պետությունների ցանկացած տարածքային վեճերի միջամտությանը»:
Նա նաև հիշեցրել է, որ Չինաստանը «կտրականապես դեմ է, որ որևէ երկիր Թայվանին զենք վաճառի»՝ Կոնգրեսի քաղաքական գործիչներին կոչ անելով «մտքից հանել սառը պատերազմի ոգով մտածելը, կողմնակից մնալ չին-ամերիկյան 3 կոմյունիկեներին և հարգել Չինաստանի հիմնական շահերը: Նրանք պետք է ավելի շատ բան անեն տարածաշրջանային խաղաղության ամրապնդման և կայունության համար ու օգնեն ԱՄՆ-ի և Չինաստանի միջև կայուն հարաբերությունների զարգացմանը»,- ասել է Հուա Չունյինը:
Անցնող տարում Դյաոյույդաո (Սենկակու) կղզիները վեճի առարկա դարձան Չինաստանի և Ճապոնիայի միջև: