Վրաստանի նախկին վարչապետ Նիկա Գիլաուրին, որին շաբաթ հարցաքննության էին կանչել ՆԳՆ Հակակոռուպցիոն գործակալություն՝ որպես «Կարտու» բանկի սնանկության գործով վկա, շենքը լքել է 6 ժամ անց: Այս մասին հայտնում է Interfax-ը:
Ինչպես լրագրողներին հայտնել է նախկին վարչապետը, իրեն տրված հարցերը հիմնականում վերաբերել են այդ բանկի գործին, որի հետ ինքը ոչ մի կապ չի ունեցել:
«Պաշտոնավարելիս ես զբաղվել են հիմնականում մակրոտնտեսական հարցերով և նման թեմաների հետ առնչություն չեմ ունեցել, ինչի մասին հայտնել եմ քննությանը»,- ասել է Գիլաուրին:
Ինչպես հաղորդվել է, շաբաթ օրն ավելի վաղ բանկի սնանկության գործով հարցաքննվել էր Ֆինանսների նախկին նախարար Դմիտրի Գվինդաձեն, իսկ ուրբաթ՝ Տնտեսության և կայուն զարգացման նախկին նախարար Վերա Կոբալիան, ինչպես նաև Էներգետիկայի և ֆինանսների նախարար Ալեքսանդր Խետագուրին, որն ավելի վաղ ձերբակալվել էր կաշառակերության և փողերի լվացման համար: Շաբաթ օրը դատարանը նրան 30 հազար լարիի (18 հազար դոար) գրավի դիմաց ազատ է արձակել:
Քննության տվյալներով՝ իշխանության նախկին ներկայացուցիչների մասնակցությամբ հանցավոր սխեման իր նպատակն իրականացրել է մինչ հոկտեմբերի 1-ի խորհրդարանական ընտրությունները: Սխեմայի նպատակը եղել է ընդդիմադիր թեկնածու, ընտրություններում հաղթանակած Բիձինա Իվանիշվիլիի հետ հաշիվների մաքրումը:
