Վարչապետ Տիգրան Սարգսյանն այսօր այցելել է Արարատի մարզի «Մասիս» երկաթգծի կայարան, որտեղ ներկա է գտնվել Հայաստան ներմուծված գարու սերմնացուի առաջին խմբաքանակի բեռնաթափմանը։
Նախատեսվում է ավելի քան 2000 տոննա սերմնացու ներկրել հանրապետություն՝ սերմնաբուծության զարգացման և մի քանի հիմնական խնդիրների լուծման նպատակով:
Գյուղատնտեսության պատասխանատուները կառավարության ղեկավարին զեկուցել են ներկրված սերմնացուի որակի մասին` նշելով, որ առաջին վերարտադրողական սերմնացուն կտրվի հանրապետության սոցիալապես անապահով համայնքների ներկայացուցիչներին։ Նախատեսվում է, որ գարու 1 կգ սերմնացուից կստացվի 5-6 անգամ ավելի բերք։
Սերմնացուն կբաշխվի Լոռու, Արագածոտնի, Տավուշի, Արարատի և Արմավիրի մարզերի, իսկ առաջիկայում ներկրվող սերմնացուն` բարձրադիր գոտիների գյուղացիական տնտեսություններին։