Henaran.am-ը Ազգային ժողովի փոխնախագահ, ՀՀԿ խոսնակ Էդուարդ Շարմազանովից փորձել է ճշտել, թե ինչպես է վերաբերվում ՀԱԿ առաջնորդ Լևոն Տեր-Պետրոսյանի առաջադրմանը: Շարմազանովի խոսքով, թե՛ իրեն, և թե՛ մեր հասարակության մեջ շատերին այլևս չի հետաքրքրում Տեր-Պետրոսյանի առաջադրումը:
«Կարծում եմ նման քաղաքականությամբ Տեր-Պետրոսյանը ապացուցում է, որ անկախ իր առաջադրումից կամ չառաջադրումից, նրա քաղաքական էպոխան մայրամուտին է մոտենում»,-ասաց Շարմազանովը:
Սակայն այսօր ԱԺ փոխնախագահի համար մի այլ բան ցայտուն դարձավ, որը մտահոգիչ է: «2008թ-ին Տեր-Պետրոսյանի հետ հարթակում պարող տղաները չկային: Այն տղաները, որ միշտ առաջին գծում էին, և բացի պարելուց, շարժման միս ու արյունն էին: Նույնիսկ նրանք չեկան լսելու Տեր-Պետրոսյանի ելույթը: Այ սրանից կարելի է հետևություն անել»,-Henaran.am-ի հետ հեռախոսազրույցը եզրափակեց Շարմազանովը:
