Իսրայելական Mig News լրատվական գործակալության փոխանցմամբ` Իրանի «Բուշեհրի» ատոմակայանում աշխատող ռուս կանայք «անհամեստ» են հագնվում, թեև նրանք հավելյալ գումար են ստանում իսլամական օրենքներին համապատասխան հագուստ կրելու համար: Այս մասին տեղական լրատվական գործակալություններից մեկին հայտնել է իրանցի պատգամավոր Մեհդի Մուսավի Նեժադը:
Վերջինիս խոսքերով` ռուս կանայք հավելյալ գումար են ստանում, որպեսզի հագնվեն իսլամական օրենքներին համապատասխան, ինչը, մասնավորապես, վերաբերում է ղեկավար կանանց, որոնք պետք է կրեն հիջաբ (մահմեդական գլխաշոր). «Չնայած համեստ հագնվելու համար ռուս կանանց վճարում են, սակայն նրանք քաղաքում հայտնվում են դեմքերը չծածկած և անհամեստ հագնված:
Մենք հատուկ ճամբար ենք ստեղծել ռուսների համար, սակայն ոչ վաղ անցյալում նրանց Բուշեհրի շուկաներում տեսել են առանց հիջաբի: Ատոմակայանի ռուս աշխատակցուհիները պետք է հետևեն իրանական նորմերին և հարգեն իրանական արժեքներն ու իսլամական մշակույթը»:
