Яблоко կուսակցությունը պահանջում է դադարեցնել բնապահպան Սուրեն Ղազարյանի նկատմամբ քրեական հետապնդումը: HRW-ի իրավապաշտպանների պաշտոնական տվյալների համաձայն՝ նա լքել է երկիրը և եվրոպական պետություններից մեկում քաղաքական ապաստան է փնտրում:
Կուսակցության ղեկավար Սերգեյ Միտրոխինը հիշեցնում է, որ Ղազարյանը հայտնի բնապահպան է, Կրասնոդարի մարզում բնապահպանական խոշոր խախտումների դեմ հրապարակային միջոցառումների կազմակերպիչ, պահպանվող տարածքներում ապօրինի շինարարության ռեզոնանսային հետազոտությունների ձեռնարկող, ով մեծ դեր է խաղում շրջանի հասարակական-քաղաքական կյանքում: Եվ նրա նկատմամբ քրեական հետապնդումը ոչ այլ ինչ է, եթե ոչ իշխանությունների վրեժ նրա քաղաքական և քաղաքացիական ակտիվության համար:
Նշվում է նաև, որ սա առաջին դեպքը չէ, նախկինում ևս շրջանի իշխանությունները փորձել են լռեցնել նրան, ով խանգարում է առաջին դեմքերի կոռումպացված գործողություններին:
Միտրոխինը Ռուսաստանի հետախուզական ծառայության ղեկավար Ալեքսանդր Բաստրիկինից պահանջում է Կրասնոդարի մարզում իրենց աշխատակիցների գործունեության ստուգումներ անցկացնել. նրանք արդեն 2-րդ անգամ անհիմն մեղադրանքներով Սուրեն Ղազարյանի նկատմամբ քրեական գործ են հարուցում: Яблоко-ն նաև բոլոր ընդդիմադիր ուժերին և բոլոր «ազնիվ մարդկանց» կոչ է անում միանալ Սուրեն Ղազարյանի պաշտպանությանն ուղղված շարժմանը:
