«Առաջին լրատվական»-ի տեղեկություններով` «Բարգավաճ Հայաստան» կուսակցության նախագահ Գագիկ Ծառուկյանը ՀՀ ԱԺ մայիսյան ընտրություններից շատ չանցած վարձել է միջազգային խորհրդատվական PR ընկերությունների՝ նախագահական ընտրություններում իր առաջադրվելու հնարավորությունները գնահատելու համար: Հիշեցնենք, որ մինչև դեկտեմբերի 12-ի իր հայտարարությունը քաղաքական դաշտում համոզված էին, որ 2013թ. նախագահական ընտրություններին Ծառուկյանն առաջադրվելու է:
Գագիկ Ծառուկյանն ու իր թիմը առավել հակված են եղեկ գործի դնել զարգացումների վրացական տարբերակը, երբ աշնանը վրաց օլիգարխ Բիձինա Իվանիշվիլին և նրա ղեկավարած «Վրացական երազանք» դաշինքը հաղթեցին Վրաստանի նախագահ Միխեիլ Սաակաշվիլու «Միացյալ ազգային շարժում» կուսակցությանը: Եվ այդ ընտրությունների հաջորդ օրն իսկ Գ. Ծառուկյանի ազդեցության տակ գտնվող լրատվամիջոցներն ու գործիչները սկսեցին ԲՀԿ նախագահին համեմատել Իվանիշվիլիի հետ: Նրանք համոզված էին, որ վրացական այդ ալիքը կանցնի Հայաստան, և Ծառուկյանն էլ, ինչպես Իվանիշվիլին, կհաղթի: Բայց որոշ ժամանակ անց համեմատությունների այդ բումը մարեց:
Գ. Ծառուկյանի կողմից արտասահմանից հրավիրված այդ մասնագետներն ամիսներ շարունակ ուսումնասիրել են մեր երկրի քաղաքական իրավիճակը, իշխող կուսակցության ղեկավարի և ԲՀԿ-ի ու նրա առաջնորդի ազդեցությունը հանրային կյանքի ու միջազգային կառույցների ու երկրների աջակցության մակարդակը:
«Առաջին լրատվական»-ի տեղեկություններով` այդ մասնագետները Գագիկ Ծառուկյանի հետ վերջին հանդիպման ժամանակ նախընտրական շրջանից առաջ ամենավերջին զեկույցը՝ ցրելով այն բոլոր հույսերը, թե Ծառուկյանը կարող է կրկնել վրացական Իվանիշվիլիի հաղթանակը: Նրանց համոզմամբ, Ծառուկյանի դեպքում ավելի շուտ կարող է գործել ոչ թե Իվանիշվիլիի, այլ Խոդորկովսկու հայտնի նախադեպը, որը լինելով Ռուսաստանի ամենահարուստ մարդը, տարիներ շարունակ օգտվելով այդ երկրի իշխանության բարեհաճությունից և երկիրը հարստահարելով միլիարդավոր դոլարների հասնող հարկեր չվճարելով, մի օր որոշեց ոչ միայնֆինանսապես աջակցել ընդդիմությանը, այլև անձամբ առաջնորդել այն:
Միջազգային մասնագետների մեկ այլ, ոչ պակաս կարևոր դիտարկումն էլ այն է եղել, որ Գագիկ Ծառուկյանը, մեղմ ասած մտավոր առումով էլ էապես զիջում է Իվանիշվիլիին և Խոդորկովսկուն:
