Չնայած այս շաբաթ բրիտանական կինոաշխարհում առաջատարը «Հոբիթն» է եղել, սակայն վարձույթում գտնվելու առաջին շաբաթվա ընթացքում հավաքած միջոցներով այն զիջում է «Մատանիների տիրակալի» նախորդ երկու մասերին: Այս մասին հայտնում է The Telegraph-ը:
Փիթեր Ջեքսոնի «Հոբիթ. անսպասելի ճանապարհորդություն» ֆիլմը, որը նկարահանվել է Ջոն Ռոնալդ Ռուել Տոլկիենի գրքի հիման վրա, Մեծ Բրիտանիայում 3 օրում 11.5 մլն ֆունտ սթեռլինգ է հավաքել: 2002-ին թողարկված «Երկու աշտարակները» (Մատանիների տիրակալը) 3 օրվա ընթացքում աշխատել էր 13.06 մլն, իսկ «Թագավորի վերադարձը» (2003)՝ 15.02 մլն ֆունտ:
Ի դեպ, նշենք, որ սուպերգործակալ Ջեյմս Բոնդի մասին 23-րդ ֆիլմը՝ Skyfall-ը, հոկտեմբերին թողարկման 3 օրերին 20.18 մլն ֆունտ էր աշխատել:Նրան հաջորդում է «Մթնշաղի ասք. Լուսաբաց» ֆիլմի երկրորդ մասը, որը նոյեմբերին թողարկվելու երեք օրերի 15.85 մլն դոլար է աշխատել:
Անցած հանգստյան օրերին «Հոբիթը» ռեկորդային մուտք է ունեցել ամերիկյան կինովարձույթ՝ ուրբաթ, շաբաթ, կիրակի օրերին հավաքելով 52.4 մլն ֆունտ սթեռլինգ:
