Մեծ Բրիտանիայում մայրը սուրբծննդյան ընթրիք է պատրաստում՝ ուղարկելու համար 110 մղոն հեռու գտնվող որդուն, որպեսզի զոքանչի տանը նա չկարոտի իր մոր պատրաստած կերակուրները: Այս մասին գրում է The Sun-ը:
Էլիսոն Ջոնսը մոտոցիկլետով փոստային առաքումներ իրականացնողին 100 ֆունտ է վճարում, որպես նա իր ձեռքով պատրաստած կերակուրները հասցնի 33-ամյա Լի Մոսին: Այն կտեղափոխվի Արևմտյան Լոնդոնի իր տանից Սաֆոլկ կոմսություն: Մասնագիտությամբ աճպարար Լին մորից ստացված կերակուրները կուտի զոքանչի պատրաստած հնդկահավը համտեսելուց հետո:
«Զոքանչս հիանալի է պատրաստում, սակայն ի՞նչ Սուրբ ծնունդ` առանց մայրիկի պատրաստած ընթրիքի»,- ասել է Լին:
Կերակուրների՝ երկու ժամ տևողությամբ փոխադրման խելագար ավանդույթը նրանց մոտ ձևավորվել է երկու տարի առաջ, երբ Լիի կինը՝ 31-ամյա Քելին, հղի էր: Լին և Քելին, որոնք Սուրբ ծնունդն (դեկտեմբերի 25) անցկացնում էին կնոջ մայրիկի տանը, հանկարծ ծանրոց են ստացել: Բրիտանուհին հույս ունի, որ զույգը նույնպես նման ծանրոց կուղարկի իրենց փոքրիկ որդուն, երբ նա մեծանա ու հեռանա իրենցից:
