Կահիրեի քրեական դատարանը այսօր կհրապարակի երկրի նախկին նախագահ Հոսնի Մուբարաքի գործով դատավճիռը՝ հայտնում է Ria Novosti-ն: Նա մեղադրվում է 2011թ. եգիպտական հեղափոխության օրերին ցուցարարների մահվան մեջ:
Բացի Մուբարաքից՝ գործով անցնում են նաև նրա 2 որդիները, ինչպես նաև Եգիպտոսի ՆԳՆ նախկին աշխատակիցներ:
Նախկին նախագահի հարյուրավոր կողմնակիցներ մտադիր են 1973թ. պատերազմի ժամանակների ռազմական օդաչուի հագուստով նրան պատկերող պաստառներով գնալ Կահիրեի ծայրամասում գտնվող Ոստիկանության ակադեմիայի շենք, որտեղ կհրապարակվի վերջնական դատավճիռը:
86-ամյա Մուբարաքը նույնիսկ անմեղ ճանաչվելու դեպքում կշարունակի մնալ կալանքի տակ, որովհետև այս տարվա մայիսին մեղավոր է ճանաչվել և 3 տարվա ազատազրկման է դատապարտվել այլ գործով՝ կոռուպցիայի հետ կապված:
