Զբոսաշրջության համաշխարհային օրը սահմանվել է 1979-ին՝ Զբոսաշրջության համաշխարհային կազմակերպության Գլխավոր ասամբլեայի կողմից, իսպանական Տորեմոլինո քաղաքում, և ամեն տարի նշվում է սեպտեմբերի 27-ին:
Տոնի նպատակն է զբոսաշրջության պրոպագանդան, համաշխարհային հանրության տնտեսության մեջ տուրիզմի ունեցած ներդրման լուսաբանումը, տարբեր երկրների ժողովուրդների միջև կապերի զարգացումը: Այն կոչված է համաշխարհային հանրության ուշադրությունը հրավիրել զբոսաշրջության կարևորության և դրա սոցիալական, մշակութային, տնտեսական նշանակության վրա:
Տոնը ավելի քան 30 տարի նշվում է աշխարհի շատ երկրներում: Այդ օրը տեղի են ունենում բազմաթիվ միջոցառումներ և փառատոներ՝ նվիրված զբոսաշրջությանը և զբոսաշրջային բիզնեսին: