Լիտվայի Սեյմը դեկտեմբերի 20-ին իշխող կոալիցիայի անդամ Աշխատանքի կուսակցության ղեկավար Վիկտոր Ուսպասկիխին զրկել է անձեռնմխելիությունից։ Այս մասին հաղորդում է Delfi.lt-ը։
Ուսպասկիխը և նրա կողմնակիցներից մի քանիսը մեղադրվում են «սև հաշվապահության» գործով։ Սա 2006-ին բարձրացված աղմուկի շարունակությունն է, որտեղ դատախազությունը հայտարարել էր, որ ԱԿ-ի ղեկավարությունը ֆինանսական փաստաթղթեր է կեղծել։ Ըստ դատախազության՝ Ուսպասկիխը կազմակերպել է կուսակցության ֆինանսավորման համար անօրինական հաշվապահական հաշվառում։
Արդյունքում Ուսպասկիխը գնացել է Ռուսաստան։ Նրա կուսակցությունը 2004-ին հաղթել է խորհրդարանական ընտրություններում և սոցիալ-դեմոկրատների հետ կազմել է իշխող կոալիցիա։ Ուսպասկիխը ՌԴ-ից քաղաքական ապաստան էր խնդրել, սակայն հետո հրաժարվել այդ խնդրանքից։ Նրա նկատմամբ հայտարավել է հետախուզում, որից հետո վերադարձել է հայրենիք և ենթարկվել տնային կալանքի։ Սակայն հետո ազատվել է։
2008-ին ԱԿ-ի նախագահը ընտրվել է Սեյմի պատգամավոր և անձռնմխելիություն ստացել, սակայն գործընկերները, դատախազության խնդրաքով, զրկել են այդ արտոնությունից։ Մի տարի անց ընտրվել է ԵԽ-ի պատգամավոր, որտեղ նույնպես Լիտվայի խնդրանքով զրկվել է անձեռնմխելիությունից։
Ուսպասկիխը հերքում է մեղադրանքները և հայտարարում, որ այս բոլորը քաղաքական հետապնդումներ են միայն։
ԱԿ ղեկավարին և նրա կուսակից Վիտալիա Վունժուլայտեին զրկել են անձեռնմխելիություից 141 ձայներից 86-ով։
