Սնանկացած Eastman Kodak-ը հայտարարել է պատենտները 525 մլն դոլարով վաճառելու մասին: Ինչպես հաղորդվում է, պատկերի մշակման տեխնոլոգիայի իրավունքը վաճառվել է 12 ընկերություններից կազմված կոնսորցիումից, որոնք կազմակերպվել են Intellectual Ventures-ի ու RPX Corp-ի կողմից` հայտնում է RBK-Ուկրաինան:
Կոնսորցիումի կազմում են Apple, HTC, Huawei, RIM և Samsung ընկերությունները, լուսանկարչական սարքեր արտադրող Fujifilm ընկերությունը, Facebook սոցցանցը, Adobe-ը, Googleն ու Microsoft-ը:
Ընդհանուր առմամբ՝ Kodak-ը տնօրինում է 10700 պատենտ: Պորտֆոլիոն, որում պարունակվում են տեխնոլոգիաների պատենտները, կապված է թվային լուսանկարների ու վիդեոյի հետ և ներառում է 700 պատենտ: 2001-ից դրանք ընկերությանը բերել են 3 մլրդ դոլարի հասույթ:
Ավելի վաղ հաղորդվում էր, որ Apple-ն ու Google-ը միավորվել են Kodak-ի պատենտների համար պայքարում: Ընկերությունները այս տարվա սկզբում չեզոքացրել էին 2 մրցակցող կոնսորցիումների:
Ներկայում Eastman Kodak-ը աստիճանաբար կրճատում է արտադրությունը: