Պահնորդների լիցենզավորումը 2013թ. հունվարի 1-ից տեղափոխվում է մայիսի 1: Ինչպես այսօր կառավարության նիստում ներկայացրեց փոխոստիկանապետ Արթուր Օսիկյանը, պահնորդները կշարունակեն իրականացնել օրինական ծառայությունները, ու միաժամանակ պահնորդների ուսուցում կկատարվի: Նա նշեց, որ առաջարկվում է օրենքը ուժի մեջ մտցնելու ժամկետը չփոփոխել, բայց լիցենզավորման կարգը տեղափոխել մինչև մայիսի մեկ:
Վարչապետ Տիգրան Սարգսյանը ասաց, թե վերջին շրջանում մասնավոր կազմակերպություններից շատ նամակներ են ստացվում, և հետաքրքրվեց` ինչով են դրանք պայմանավորված:
Օսիկյանը պարզաբանեց, որ պահնորդական ծառայությունների կարծիքով` չպետք է անցնեն որակավորման կարգ, այլապես կկտրվեն արտադրությունից, իսկ այսօր մոտ յոթ հազար պահնորդներ են աշխատում: Նրա խոսքով՝ ոստիկանությունը համարում է, որ ճիշտ կլինի բոլորն անցնեն որակավորում, և գոնե առաջին մեկ տարվա համար ուսուցման ժամկետ են սահմանում ոչ թե մեկ տարի, այլ մինչև 2014թ. հունվարը ուսուցումը սահմանել երեք ամիս ժամկետով:
