Ջիհադ անունով 3 տարեկան ֆրանսիացի տղայի մայրն ու հորեղբայրը դատարանի առջև են կանգնել այն բանի համար, որ երեխային երկրի հարավային Սորգ քաղաքի մանկապարտեզ են ուղարկել վերնաշապիկով, որի առջևի մասում գրված է եղել՝ «Ես ռումբ եմ»: Այս մասին հայտնում է BBC-ն:
Վերնաշապիկի հետևի կողմում գրված է եղել նրա անունն ու ծննդյան օրը՝ սեպտեմբերի 11:
Դաստիարակչուհիները գանգատվել են քաղաքապետին: Վերջինս հայտնել է, որ հարազատները անամոթաբար օգտագործել են երեխային՝ նրա միջոցով իրենց քաղաքական հայացքներն արտահայտելու համար:
Ջիհադի մայրը հերքում է այդ պատմության մեջ իսլամիստական ենթատեքստը:
Գործի քննությունը դատարանը հետաձգել է մինչև 2013-ի մարտ:
