Քաղաքական կուլիսներում լուրեր են շրջանառվում, որ Գյումրիի քաղաքապետ, ԲՀԿ-ական Սամվել Բալասանյանը պատրաստվում է լքել ԲՀԿ-ն ու համալրվել ՀՀԿ շարքերում: Այս մասին մամուլի տեղեկատվությամբ՝ նա արդեն ԲՀԿ-ի վերադասին նախազգուշացրել է, որ լքելու է կուսակցությունը, և առաջիկայում սպասվում է Բալասանյանի հայտարարությունը:
Թեև Սամվել Բալասանյանի մամուլի խոսնակը հերքել է այդ լուրերը, այնուամենայնիվ, Aгavot.am-ը ԲՀԿ խմբակցության պատգամավոր Վահե Էնֆիաջյանից հետաքրքրվեց, թե իրենք լսե՞լ են Սամվել Բալասանյանի՝ ԲՀԿ-ն լքելու և ՀՀԿ շարքերն անցնելու տեղեկատվությունը: Նա պատասխանեց. «Բարգավան Հայաստան» կուսակցությունը միշտ էլ կուռ կառույց է եղել, նման դրսևորումներ ԲՀԿ-ում չկան: Իսկ նման ձևաչափի այն անձը, ով որ նման քայլերի կգնա՝ համապատասխան գնահատականի կարժանանա: Մեզ մոտ եթե ինչ-որ նման ձևաչափ լինի, մենք ավելի քան համոզված ենք՝ մեկը կգնա, հազարը կգա»:
