Միջին վիճակագրական կանայք վատ տրամադրությամբ են լինում տարեկան 10 օր, գրում է The Telegraph-ը՝ հղում անելով նոր հետազոտությանը: Գիտնականները պարզել են, որ ամենից հաճախ այդպիսի տրամադրության պատճառը լինում է ավելորդ քաշի, փողի հետ կապված անհանգստությունը, վախը, որ կնոջը չի լսում իր զուգընկերը, վատ եղանակը:
Հետազոտության համաձայն՝ կանայք, իրենց իսկ խոսքով, միջինում շաբաթական 5 ժամ վատ տրամադրություն են ունենում, մինչդեռ տղամարդիկ կարծում են, որ իրականում կանանց տխրության ժամերը հասնում են 8-ի:
«Տրամադրությունը մեր ընդհանուր վիճակի բարոմետրն է»,- հետազոտությունը կատարած Healthspan ապրանքանիշի անունից ասում է հոգեթերապևտ Սալլի Բրաունը: Մասնագետի խոսքով՝ ինքն ամենից հետաքրքիրը համարում է այն, թե մարդիկ ինչպես են պայքարում վատ տրամադրության դեմ. եթե կանանց ավելի շատ անձնական ժամանակ է պահանջվում, ապա տղամարդիկ առավելապես հենվում են իրենց զուգընկերների օգնության վրա:
