Հարավկորեական Samsung ընկերությունը ներկայացրել է Android օպերացիոն համակարգով աշխատող, 5 դյույմ անկյունագիծ ունեցող դիսփլեյով Galaxy Grand սմարթֆոն: Դա այն հաճախորդների համար է, ովքեր մեծ գումար չեն կարող տրամադրել, սակայն երազում են մեծ էկրանի մասին: Սարքը կմատակարարվի երկու լուծումներով՝ մեկ և երկու քարտանի տարբերակներով: Այս մասին հայտնում է Vesti-ն:
Սմարթֆոնն ունի 1.2 գիգահերց հաճախականությամբ երկմիջուկանի պրոցեսոր: Galaxy Grand-ն աշխատում է Google ընկերության օպերացիոն համակարգի վերջին տարբերակով՝ Android 4.1.2–ով (Jelly Bean): Սարքն ունի 2 մեգապիքսելանոց տեսախցիկ, որը կարող է տեսանյութ նկարահանել 720p որակով: Հետևի տեսախցիկը 8 մեգապիքսելանոց է և կարող տեսանյութ նկարահանել 1080p ձևաչափով:
Սմարթֆոնն ունի 1 գբ օպերատիվ և 8 գբ ֆլեշ հիշողություն, ինչը կարելի է ընդլայնել հիշողության microSD քարտի միջոցով: Այն ունի նաև Wi-Fi, Bluetooth, GPS և HSPA: Մարտկոցի հզորությունը 2100 մԱ/ժ է:
Հիասթափեցնող է միայն նորույթի էկրանը: 5 դյույմանոց էկրանն ապահովում է 800×480 պիքսել որակ: Սարքի արժեքը դեռևս հայտնի չէ:
