Այսօր տեղի ունեցավ ամերիկահայ նկարիչ Դանիել Վարուժան Հեջինյանի՝ Հայաստանի անկախության 23-րդ տարեդարձին և Հայոց ցեղասպանության 100-րդ տարելիցին նվիրված «Խաղաղության արվեստը» ցուցահանդեսի բացումը Հայաստանի ազգային պատկերասրահում:
Բացմանը ներկա էր վարչապետ Հովիկ Աբրահամյանը: Նա խուսափեց լրագրողների հարցերից, միայն փայլուն գնահատեց ցուցահանդեսը: Վարչապետի անվտանգության աշխատակիցներն այսօր առավել վատ իրենց դրսևորեցին՝ հրելով օպերատորներին, լրագրողներին՝ պատճառաբանությամբ, թե իրենց աշխատանքն են կատարում:
Խոսելով Դանիել Վարուժան Հեջինյանի ստեղծագործություններից՝ Հրանուշ Հակոբյանը նշեց, որ նրա աշխատանքներում սերն է հորդում:
Արվեստաբան Շահեն Խաչատրյանն էլ նշեց, որ Դանիել Վարուժան Հեջինյանի նկարներում սիրո մեծ մոտեցում կա, ինչը նրա հոգեկան ապրումների, ազնվության արտահայտումն է: Նրա խոսքով՝ առավել տպավորիչ և գնահատելի են Ցեղասպանությանը նվիրված աշխատանքները, որոնք կտպավորվեն բոլորի մեջ:
Ի դեպ, վարչապետի և Սփյուռքի նախարարի հեռանալուց հետո, պատկերասրահի ցուցասրահում հատուկենտ մարդիկ էին մնացել, բոլորը շտապեցին հեռանալ նրանց հեռանալուն պես՝ մոռանալով թե ցուցահանդեսը, թե նկարչին:
Ավելին՝ տեսանյութում:
