ՀԱՀ-ի նախագահ Ջեյքոբ Զուման վերընտրվել է իշխող Աֆրիկյան Ազգային Կոնգրես (ԱԱԿ) կուսակցության ղեկավար, որը, փաստորեն, երաշխավորում է 2014-ի երկրոդ ժամկետի նախագահական ընտրությունների իր հաղթանակը։
ԱԱԿ-ի 53-րդ համագումարի վերստուգող հանձնաժողովի տվյալներով՝ Զուման ստացել է 2983 ձայն, նրա մրցակից փոխնախագահ Կգալեմա Մոտլանտեն՝ 991։ Մոտլանտեն լքել է ԱԱԿ-ի իր պաշտոնը և չի առաջադրվել կուսակցության փոխնախագահի ընտրություններին երկրորդ անգամ։ Փոխնախագահի պաշտոնին ընտրվել է Զումայի կողմակից, գործարար Սիրիլ Ռամաֆոզան՝ 3018 ձայնով։
ԱԱԿ-ի նախագահ է վերընտրվել Բալեկա Մբետեն՝ 3010 ձայնով։ Գլխավոր քարտուղարը նույնպես մնացել է իր պաշտոնին՝ 3058 ձայնով հաղթելով սպորտի և հանգստի նախարարին։ Ըստ դիտորդների՝ քվեարկությունների արդյունքները կարող են վիճարկել դատարանում։ Համագումարից մի քանի օր առաջ երկրի երկու մարզերում կատարված խորհրդարանական ընտրությունների ադյունքները դատարանի կողմից անվավեր են համարվել, հաղորդում է “Голос России”-ն։
Զուման ընտրության հաղթանակի համար դիմել է նախնյաց հոգիներին, ուղևորվել է հարազատ գյուղը և զոհաբերել 12 կով։
Զուման կուսակցության ղեկավարն է 2007-ից, փոխարինել է երկրի և կուսակցության նախագահ Տաբո Մկեբային։ Երկու տարի անց դարձավ երկրի նախագահը։
Նոյմեբերի 17-ին ԱԱԿ-ն կասեցրել է նախագահի հրաժարականի մասին առաջ քաշած հարցը։ Ընդդիմությունը հավաստիացնում է, որ Զումայի իշխանության տարիներին տնտեսությունը անկում է ապրել, աճել է գործազրկությունը և կոռուպցիան։
