Եվրոպական չորս պետություն պատրաստում են հայատարարություն, որը դատապարտում է Իսրայելին Երուսաղեմում «կանաչ գծի» սահմաններից դուրս շինարարության համար: Այս մասին հաղորդում է Reuters-ը` վկայակոչելով դիվանագիտական աղբյուրները:
Աղբյուրները գործակալությանը հայտնել են, որ խոսքը ՄԱԿ Անվտանգության խորհրդում եվրոպական պետությունների հայտարարության մասին է:
Բանաձևի նախնական տարբերակի վրա աշխատում են Գերմանիան, Մեծ Բրիտանիան, Ֆրանսիան, Պորտուգալիան: Նախագիծը գտնվում է համաձայնեցման վերջին փուլում: Հրապարակված տվյալների համաձայն` նախագծի հեղինակները մտադիր են իրենց անհանգստությունն արտահայտել «կանաչ գծից» այն կողմ շինարարություն սկսելու իսրայելական ծրագրի կապակցությամբ:
Եվրոպական պետությունները կարծում են, որ այս գործողությունները խոչընդոտում են կենսունակ պաղեստինյան պետություն ստեղծելու հնարավորությունները:
