Սիրիայում խաղաղ բնակչության դեմ կատարվող դաժան հանցագործություններում մեղավորներին պատժելու հարցում միջազգային հանրության և ՄԱԿ-ի Անվտանգության խորհրդի անգործությունը հանգեցրին «Իսլամական պետություն» ահաբեկչական խմբավորման բարգավաճմանը: Այս մասին երեքշաբթի Ժնևի ՄԱԿ-ի շտաբ-գրասենյակում հայտարարել է Սիրիայի իրադարձությունների հետաքննման անկախ հանձնաժողովի նախագահ Պաուլո Սերջիո Պինեյրոն, գրում է RIA Novosti-ն:
«Մենք գրաֆիկներով և թվերով ցույց տվեցինք հակամարտության այն խելահեղության մեջ հայտնվելը, որում այն ներկայումս գտնվում է: Մենք աղաչում էինք երկու կողմերին և պետություններին, որոնք նրանց վրա ազդեցություն ունեն, հարթելու խաղաղ կարգավորման գործընթացը: ԱԽ-ին խնդրեցինք Սիրիայի դրությունը քննարկման ներկայացնել Միջազգային Քրեական դատարան, սակայն անգործության հետ բախվեցինք: Այդ անգործությունից ամենից շատ շահել է Իսլամական պետությունը»,- ասել է նա:
Նրա խոսքերով` երկրում դրությունը շարունակում է վատթարանալ:
