Ռուսական Rosbalt լրատվական գործակալության փոխանցմամբ՝ Իրանը միջազգային պատժամիջոցների պատճառով կորցրել է իր նավթային եկամուտների 50 տոկոսը: Այս մասին հայտարարել է Իրանի էկոնոմիկայի նախարար Շամսեդդին Հոսեյնին:
Դեռ 2012 թվականի սեպտեմբերին Իրանի նախագահ Մահմուդ Ահմադինեժադը հայտարարեց, որ պատժամիջոցների պատճառով իր երկիրը բախվել է նավթի վաճառքի հետ կապված մի շարք խնդիրների: Նոյեմբերին էլ նշվում էր, թե Իրանը պլանավորել է 1/3-ով կրճատել իր նավթի արտահանումը:
Միջազգային էներգետիկ գործակալության տվյալներով՝ եթե նախորդ տարվա վերջին Իրանից օրական արտահանվել է 2.2 միլիոն բարել, ապա 2012 թվականի սեպտեմբերին այդ ցուցանիշն ընկել է մինչև օրական 860,000 բարելի:
