«ՍԿ-թրեյդինգ» ընկերությունը, որը հանդիսանում է «Տաշիր» ընկերության առևտրային «դուստրը», հաջորդ տարի Մոսկվայում և մարզերում կբացի իտալական Yamamay ապրանքանիշի ներքնազգեստի առնվազն 10 խանութ:
Ինչպես գրում է RBK Daily-ն, ներքնազգեստի ռուսական շուկայում այդ ապրանքանիշի հեռանկարները վատը չեն՝ հաշվի առնելով վերջին ժամանակների միտումները: Սպառողները սկսել են արտաքին տեսքին ուշադրություն դարձնել ոչ միայն հասարակական վայրերում, այլև տանը:
Երեկ «Տաշիր» ընկերության ներկայացուցիչները պատմել են «ՍԿ-թրեյդինգ»-ի (զբաղվում է Kids Garden, Wild West ապրանքանիշների ապրանքների իրացմամբ) հաջորդ տարվա ծրագրերի մասին: Մասնավորապես, հայտնի է դարձել, որ «ՍԿ-թրեյդինգը» դարձել է իտալական Yamamay ներքնազգեստի ապրանքանիշի մաստեր-ֆրենչայզեր, ինչը նրան տալիս է ՌԴ տարածքում խանութների բացելու բացառիկ իրավունք:
Ներգնազգեստի և տնային հագուստի Yamamay ապրանքանիշը ստեղծվել է 2001 թվականին, պատկանում է ընտանեկան Pianoforte Holding-ին: Նրանցում ներառված են նաև Caprisa հագուստի և աքսեսուարների խանութների ցանցն ու Jaked բաճկոնների խանութները:
«Տաշիր» ընկերությունների խմբի փոխնախագահ Իգոր Բուլիտովի խոսքով՝ այժմ խումբը բանակցում է ապրանքանիշի սեփականատերերի հետ մնացած ապրանքանիշների ֆրենչայզների ձեռքբերման շուրջ: Ընդհանուր առմամբ, «ՍԿ-թրեյդինգի» ծրագրերի մեջ է մտնում 2013-ին բացել 50 բազմաբրենդային բուտիկ ինչպես սեփական առևտրա-ժամանցային կենտրոններում, այնպես էլ կողմնակի հարթակներում:
Առաջին Yamamay խանութը կբացվի արդեն 2013-ի սկզբին կա՛մ Ա. Ի. Ռայկինի անվան առևտրա-ժամանցային կենտրոնում , կա՛մ Լենինի պողոտայում կաուցվող «ՌԻՈ» համալիրում:
Յուրաքանչյուր խանութի տարածքը կլինի մոտ 150 մետր քառակուսի: Մեկ բուտիկի բացման համար ներդրման ծավալը, Բուլիտովի խոսքով՝ կազմում է 6.5 մլն ռուբլի (շուրջ 160 հազար եվրո): Դա շատ ավելին է, քան ներքնազգեստի ռուսական շույայում նման խանութների բացման համար միջին ներդրումները, որոնք կազմում են 70-100 հազար եվրո:
Ռուսաստանում Yamamay ապրանքանիշի խանութ արդեն գոյություն ունի՝ «Ատրիում» առևտրի կենտրոնում: Սակայն վաճառքի կազմակերպման ուղղությամբ դժվարությունների պատճառով այն մոտ ժամանակներս կփակվի:
