Ագաթա Քրիստին (իսկական անունը՝ Մերի Կլարիսա Միլլեր) ծնվել է 1890թ. սեպտեմբերի 15-ին՝ Մեծ Բրիտանիայի Թորքի քաղաքում, ԱՄՆ-ից գաղթած հարուստ ընտանիքում: Առաջին աշխարհամարտի տարիներին նա աշխատել է հոսպիտալում՝ որպես բուժքույր:
1914-ին Ագաթան ամուսնացել է գնդապետ Արչիբալդ Քրիստիի հետ՝ հենց այդ շրջանում էլ զբաղվել է գրական գործունեությամբ: Արդեն իր առաջին վեպում՝ «Առեղծվածային պատահար Սթայլզում», Քրիստին ստեղծել է ընթերցողների սիրելի դետեկտիվ Էրքյուլ Պուարոյի կերպարը:
1930-ին Ագաթան կրկին ամուսնացել է, այս անգամ՝ հնագետ Մ. Մալոուենի հետ, որի հետ մասնակցել է շատ արշավախմբերի՝ հատկապես Մերձավոր Արևելքում:
Ընդհանուր առմամբ Քրիստին հրապարակել է 60 դետեկտիվ վեպ և պատմվածքների 19 ժողովածու: Նա ամենաշատ թարգմանված անգլիացի հեղինակն է՝ Շեքսպիրից հետո:
Ագաթա Քրիստին մահացել է 1976-ի հունվարի 12-ին՝ Ուոլինգֆորդի իր տանը:
