Ավան և Նոր Նորք վարչական շրջանների ընդհանուր իրավասության դատարանում դատավոր Դավիթ Հարությունյանի վարույթում է անչափահաս Կարեն Մ.-ի գործը:
Կարենը ծնվել է 2000 թվականի մարտի 5-ին: Դեպքի պահին՝ 2014 թվականի ապրիլի16-ին, նա 14 տարեկան էր ու սովորում էր Երևանի թիվ 186 դպրոցի 9-րդ դասարանում:
Ըստ մեղադրանքի՝ դեպքի օրը Կարենն ու իր համադասարանցի Գեղամը միմյանց հասցեին վիրավորական արտահայտություններ են հնչեցրել:
Դրա պատճառով ժամը 14-ն անց 30 րոպեի սահմաններում Կարենը դպրոցի բակում վիճաբանել է Գեղամի ու նրա ընկերներ Արթուրի, Հայկի ու Գագիկի հետ:
Վիճաբանության ընթացքում Կարենն իր մոտ եղած դանակով հարվածել է Հայկին ու պատճառել կյանքին վտանգ սպառնացող ծանր վնասվածք:
Կարեն Մ.-ին մեղադրանք է առաջադրվել տուժողի առողջությանը դիտավորությամբ ծանր վնաս պատճառելու համար՝ ՀՀ քերական օրենսգրքի 112 հոդվածի 1-ին մասով:
Որպես խափանման միջոց՝ 14-ամյա տղան հանձնված է ծնողների հսկողությանը:
