Մյունխենի «Բավարիա»-ի կիսապաշտպան Ֆրանկ Ռիբերին բացառում է Ֆրանսիայի հավաքական իր վերադարձը: Ֆուտբոլիստը նշել է, որ արդեն քննարկել է այդ հարցը ազգային թիմի գլխավոր մարզիչ Դիդիե Դեշամի հետ:
«Ես արդեն հայտարարել եմ, որ ցանկանում եմ ավարտել միջազգային կարիերաս: Իմ որոշումը համաձայնեցված է Դեշամի հետ: Ապագայում կցանկանայի ամբողջովին կենտրոնանալ «Բավարիա»-ում իմ ելույթների վրա: Չեմ պատրաստվում փոխել դիրքորոշումս և այլևս չեմ ցանկանում խոսել այդ մասին»,- Die Welt-ը մեջբերում է Ռիբերիի խոսքերը:
Հիշեցնենք՝ ավելի վաղ ՈւԵՖԱ-ի նախագահ Միշել Պլատինին հայտարարել է, որ Ռիբերին իրավունք չունի միակողմանի նման որոշումներ կայացնել:
