Ադամ Լանզան, ով արյունալի սպանդ է իրականացրել Կոննեկտիկուտի Սենդի Հուկ դպրոցում, ողբերգությունից 2 օր առաջ համացանցի միջոցով նախազգուշացրել է իր ընթերցողներին, որ պատրաստվում է ինքնասպանություն գործել, ինչպես նաև խնդրել նրանց 4chan.org կայքի միջոցով հետևել հեռուստացույցով հեռարձակվող իրադարձություններին, հաղորդում է Lifenews-ը:
Քննիչները հայտնում են, որ մարդասպանը համացանցի ակտիվ օգտատեր էր և միշտ այցելում էր, այսպես կոչված, imageboard-ներ (վեբ-ֆորումների տեսակներ):
«Այս ուրբաթ ես պատրաստվում եմ ինքնասպանություն գործել: Հետևե՛ք նորություններին փոստարկղի միջոցով»,- գրել է Լանզան:
Կայքի այցելուները թերահավատորեն են վերաբերվել դրան և նույնիսկ հումորային ոճով, նրան հաջողություն են մաղթել և ճշտել, թե որտեղ է նա մտադիր իրագործել իր ծրագրերը: