Սեպտեմբերի 7-14-ը Տաշքենդում կկայանա ըմբշամարտի աշխարհի առաջնությունը:
Տաշքենդում հունահռոմեական ոճի ըմբշամարտի աշխարհի առաջնության մեդալները խաղարկվելու են սեպտեմբերի 12-14-ը: Օլիմպիական չեմպիոն Լևոն Ջուլֆալակյանի ղեկավարությամբ Հայաստանի ընտրանին աշխարհի առաջնության նախապատրաստության իր եզրափակիչ փուլը նախընտրել է Հայաստանում անցկացնել:
Ջուլֆալակյանը ՀՀ հավաքականի կազմում ընդգրկել է Ռոման Ամոյանին (59կգ), Միհրան Հարությունյան (66կգ), Վարշամ Բորանյանին (71 կգ), Արսեն Ջուլֆալակյանին (75 կգ)Հրաչյա Հովհաննիսյանին (80 կգ), Արթուր Շահինյանին (85 կգ ), Եվրոպայի եռակի չեմպիոն Արթուր Ալեքսանյանին (98 կգ) և Վաչիկ Եղիազարյանին (130 կգ):
Մինչ այժմ նախապատրաստական շրջանում կազմակերպված մեր ընտարնու բոլոր ուսումնամարզական հավաքներն անցել են բարձր մակարդակով: Ներկայիս ուսումնամարզական հավաքն ընթանում է Երևանում: Լևոն Ջուլֆալակյանի ղեկավարած հունառոմեական ոճի ըմբշամարտի Հայաստանի հավաքականը Տաշքենդ կմեկնի սեպտեմբերի 9-ին:
Ինչպես արդեն տեղեկացրել ենք, մեր ազատ ոճի հավաքականն ամբողջովին պատրաստ է ստուգատեսին: Ավելի վաղ ներկայացրել էինք մեր թիմի կազմը:
