«Գահերի խաղի» 5-րդ եթերաշրջանում կբացակայեն երկու կերպարներ՝ Բրան Ստարկն ու Հոդորը: Այս մասին ABC-ին տված հարցազրույցում հայտնել է Հոդորի դերակատար Քրիստիան Նեյրնը: Նրա խոսքով՝ ինքն ու Այզեկ Հեմփստեդ-Ռայթը նախագծում մեկամյա ընդմիջում են վերցնում:
«Կարծում եմ՝ դա տեղի ունեցավ այն պատճառով, որ գրքում մեր պատմություններն ավարտվել են, իսկ շարունակություն դեռևս գրված չէ»,- ասել է Նեյրնը: Սերիալը հեռարձակող НВО հեռուստաալիքի ղեկավարությունը դեռևս մեկնաբանությամբ հանդես չի եկել:
Սերիալի 5-րդ եթերաշրջանի նկարահանումները սկսվել են հունիսին՝ Իսպանիայում: Պրեմիերան նախատեսված է 2015 թվականին:
Հեռուստասերիալը նկարահանվում է Ջորջ Մարտինի «Սառույցի և կրակի երգը» ստեղծագործության հիման վրա: Հեռուստասերիալը ԱՄՆ-ում սկսել է հեռարձակվել 2011-ի ապրիլի 17-ին:
