Ադրբեջանական Haqqin.az ինտերնետային թերթի փոխանցմամբ՝ Ադրբեջանն աշխարհի ամենառազմականացված երկրների ցուցակում զբաղեցրել է 15-րդ տեղը: Այս մասին նշված է «Գլոբալ ռազմականացման ինդեքս-2012» -ում(Global Militarization Index, GMI):
Վերջինիս համաձայն, աշխարհի ամենառազամականացված տարածաշրջան է ճանաչվել Մերձավոր Արևելքը: «Գլոբալ ռազմականացման ինդեքս-2012-ում» առաջին տեղը զբաղեցրել է Իսրայելը, ապա գալիս են Սինգապուրը, Սիրիան, Ռուսաստանը, Հորդանանը: Քուվեյթը 8-րդն է, Հունաստանը՝ 9-րդը, Սաուդյան Արաբիան՝10-րդը:
Ադրբեջանը հնարավոր 1000 միավորից ստացել է 756.54 միավոր և զբաղեցրել էր 15-րդ տեղը, նրան նախորդում է Բահրեյնը (14-րդ տեղ) և հաջորդում է Բելառուսը (16-րդ տեղ): Ուկրաինան եզրափակում է ամենառազմականացված երկրների քսանյակը: ԱՄՆ-ը միայն 38-րդն է՝ թեև ռազմական ծախսերի ցուցանիշով նա առաջատար է: ԱՄՆ-ի ռազմական բյուջեն կազմում է 687 միլիարդ դոլար:
Չինաստանը ցուցակում միայն 83-րդն է, մինչդեռ պաշտպանական ծախսերի ցուցանիշով (114 միլիարդ դոլար) նա զիջում է միայն ԱՄՆ-ին: «Գլոբալ ռազմականացման ինդեքս-2012»-ը կազմում է Բոննի միջազգային կոնվերսիայի ինստիտուտը (BICC)՝ սկսած 1990 թվականից՝ 149 երկրից ստացված տվյալների հիման վրա: Հիմնական չափանիշներից մեկը համարվում է համախառն ներքին արդյունքում պաշտպանական ծախսերի չափաբաժինը: