Ռուսական «Վզգլյադ» թերթի փոխանցմամբ՝ Վրաստանի պաշտպանության նախարարությունը երեկ հանել է «Գոլֆստրիմ 450» օդանավով Վրաստանի նախագահ Միխեիլ Սաակաշվիլիի իրականացրած մի շարք թռիչքների վրա դրված «գաղտնի» նշանը: Այդ ինքնաթիռի ծախսերը գտնվել են ՊՆ-ի հաշվեկշռի վրա, ինչից նա այժմ հրաժարվել է:
Վրաստանի պաշտպանության նախարարի խորհրդական Վակո Ավալիանին ճեպազրույցի ժամանակ հայտարարել է, որ իրենք հանել են «գաղտնի» նշանը 2011 թվականին Սաակաշվիլիի իրականացրած մի շարք թռիչքների վրայից՝ ի պատասխան Սաակաշվիլիի վարչակազմի այն հայտարարության, թե նա չի օգտվել դրանից:
Պարզվել է, որ Սաակաշվիլին այդ ինքնաթիռով հաճախ է մեկնել այնպիսի հայտնի առողջարաններ, ինչպիսիք են Լաս Պալմասը, Նիցցան և այլն: Սաակաշվիլիի հետ տվյալ ինքնաթիռում այդ առողջարաններ են մեկնել նաև նրա կուսակիցները, ինչն արվել է բյուջեի հաշվին: Սաակաշվիլին այդ ինքնաթիռով մեկնել է նաև Լեհաստան, Իտալիա, Պերու և այլ երկրներ:
Երեկ Սաակաշվիլիի մամլո քարտուղար Մանանա Մանջգալաձեն հայտարարել է, որ նախագահը օգտվել է այլ ինքնաթիռից և չի օգտվել պաշտպանության նախարարության հաշվեկշռի վրա նստած ինքնաթիռից: