Հեռուստացույցի առաջ սնվելը ավելացնում է քաշը: Բայց պարզվում է՝ հաղորդումը ազդում է հավաքած կիլոգրամների վրա: Ինչպես նշում են JAMA Intern Med ամսագրում հրապարակված հոդվածում՝ բլոքբաստերների դիտումը հրահրում է ավելի շատ սնունդ օգտագործել, քան տեղեկատվական հաղորդումների և հարցազրույցների դիտումը:
Հոգեբանները 94 մարդու մասնակցությամբ փորձ են արել: Նրանք հեռուստացույց են դիտել 20 րոպեի ընթացքում: Մի մասին առաջարկել են դիտել «Կղզի» ֆանտաստիկ ֆիլմը, իսկ մյուսներին՝ նույն ֆիլմը, բայց առանց ձայնի ու ավելի վատ որակի տարբերակը: Երրորդ խմբին առաջարկել են դիտել ամերիկյան հեռուստալրագրող Չարլի Ռոուզի հարցազրույցը:
Նրանց առաջարկվել է ուտել անսահմանափակ քանակությամբ թխվածքաբլիթներ, չիպսեր, կոնֆետներ, չամիչ և այլն: Պարզվել է, որ լավ որակի մարտաֆիլմեր դիտած խումբը երկու անգամ ավել քաղցրավենիք է կերել, քան հարցազրույց դիտած խումբը: Իսկ նրանք, ովքեր անձայն էին մարտաֆիլմ դիտում, 36%-ով ավելի շատ են կերել, քան հարցազրույց դիտողները:
