Այս տարի Բաքու-Թբիլիսի-Կարս երկաթուղային մայրուղու վրացական հատվածի կառուցման և վերակառուցման նախագծի համար կծախսվի 300 միլիոն դոլար: Ըստ ադրբեջանական Trend գործակալության, այս մասին հայտարարել է Վրաստանի տարածքային զարգացման և ենթակառուցվածքների նախարար Ռամազ Նիկոլաիշվիլին:
Վրաց նախարարը նշել է, թե իր երկրի տարածքում երկաթուղու հատվածի կառուցմանը կներգրավվի 3000 մարդ: «Սա հավակնոտ, իրական ծրագիր է, որը հատուկ կարևորություն ունի Վրաստանի համար»,- նշել է Նիկոլաիշվիլին` հավելելով, որ այդ գիծը Կովկասը կկապի Եվրոպային:
