Avon Products Inc-ը կկրճատի մոտ 1500 աշխատատեղ և կլքի Հարավային Կորեայի ու Վիետնամի շուկաները հակաճգնաժամային ծրագրի շրջանակներում, հաղորդում է Reuters-ը:
Անցած ամիս ընկերությունն իր դիվիդենտները իջեցրել էր շուրջ 74%-ով և հայտարարել հետագա մի քանի տարիների ընթացքում ծախսերը մի քանի միլիոն դոլարով կրճատելու մասին, քանի որ առանցքային շուկաներում ընկերությունը բախվում է դժվարությունների:
Avon-ը վերակառուցման վերջին փուլը գնահատել է 80-90 միլիոն դոլար` առանց հարկերը վճարելու:
Հիշեցնենք, որ ֆրանսիական Coty Inc ընկերությունը գարնանը 10 միլիարդ դոլարով պատրաստ էր գնել ամերիկյան Avon Products Inc-ը, սակայն կոսմետիկական հսկան մերժեց առաջարկը:
