«Աերոֆլոտ» ավիաընկերության ինքնաթիռը, որն այս գիշեր թռիչք էր իրականացնում Դուբայից Մոսկվա, Երևանի ժամանակով ժ. 05:00-ի սահմաններում պարտադրված վայրէջք է կատարել Երևանի Զվարթնոց օդանավակայանում հարբած ադրբեջանցու պատճառով, RIA Novosti-ին պատմել են չվերթի ուղևորները:
Դուբայից օդ բարձրանալուց հետո ուղևորներից մեկը սկսել է կոպիտ կերպով արտահայտվել, աղմկել ու կպչել երեխաներին:
«Ինքնաթիռը լիքն է եղել՝ բազմաթիվ երեխաներ, արտասահմանցիներ: 30-35 տարեկան երիտասարդ տղամարդը սկսել է կպչել երեխաներին, բղավել»,- հայտնել են ականատեսները:
Քանի որ ինքնաթիռում եղել են միայն կին ուղեկցորդներ, ստիպված են եղել դիմել տղամարդ ուղևորների օգնությանը, որոնք տղամարդուն կապել են նստարանին:
«Բորտուղեկցորդուհիները չեն կարողանցել նրան կարգի բերել, նրա վրա հարձակվել են տղամարդ ուղևորները, մոտ 6 հոգի: Բորտուղեկցորդուհիները բերում էին գոտիներ, սկոտչ, սրբիչներ: Ամուր կապել էին նստարանին»,- պատմել է ականատեսներից մեկը:
«Կանգնել ենք այնտեղ 2,5 ժամ, օդաչուները փորձել են Ադրբեջանի քաղաքացի հանդիսացող տղամարդուն հանձնել ոստիկաններին, սակայն հայկական իշխանությունները հրաժարվել են նրան ընդունել, միայն ձեռնաշղթաներ են անցկացրել, իսկ շտապօգնության աշխատակիցները քնաբեր են ներարկել, և որոշ ժամանակ անց տղամարդը քնել է: Ինքնաթիռն այնուհետ ուղևորվել է Մոսկվա:
Ինքնաթիռը Մոսկվա է ժամանել 3 ժամ ուշացումով: Խուլիգանին ոստիկանությունը ձերբակալել է:
