Facebook-ի տվյալների կառավարման նոր քաղաքականության վերաբերյալ քվեարկությանը 630 000 մարդ է մասնակցել, 562 000-ը դեմ է եղել նորամուծություններին, 77 000-ը՝ կողմ: Հարցումը կավարտվի այսօր, արդյունքները կհրապարակվեն վաղը: Սակայն արդեն հիմա էլ պարզ է, որ փոփոխություններն ուժի մեջ կմտնեն, քանի որ դժվար թե քվեարկությանը հասցնի մասնակցել 299,3 միլիոն մարդ:
Facebook–ը նոյեմբերի վերջին սոցցանցի գործածության նոր կանոններ էր առաջարկել: Խոսքը ընկերության տարբեր ծառայությունների միջև տվյալների ազատ փոխանակման մասին (երառյալ Instagram) է: Մեկ միլիարդ օգտատերեր ունեցող Facebook-ը կարծում է, որ հարցումների մեխանիզմը կորցրել է ակտուալությունը:
Հին կանոնների համաձայն, որոնք չեղյալ կհամարվեն 10 ժամ անց, Facebook-ը պարտավոր էր քվեարկություն սկսել, եթե անոնսը 7000 մեկնաբանություն ստանար:
Երբ ուժի մեջ մտնեն նոր կանոնները, Facebook-ը կգործի այնպես, ինչպես ընկերությունների մեծամասնությունը: Սոցիալական ցանցը կշարունակի լսել օգտատերերի կարծիքները, սակայն անմիջապես կայքի քաղաքականության վրա դրանք ազդել չեն կարող:
