Չինական Spring Airlines ավիաընկերության 2 ուղևոր դատի են տվել ավիաընկերությանը խտրականության համար: Զույգին մերժել են թռչել ինքնաթիռով՝ ՄԻԱՎ վարակակիր լինելու պատճառով: Այս մասին հայտնում է BBC-ի ռուսական ծառայությունը:
Նրանք պատրաստվել են թռչել Չինաստանի Շենյան քաղաքից, բայց նրանց տոմսերը զրոյացվել են: Զույգն ավիաընկերությունից պահանջում է ներողություն խնդրել և 8000 դոլար փոխհատուցում վճարել:
Շենյանի դատարանը հայցը քննել է, ինչը Չինաստանի համար դարձել է նախադեպային:
Իշխանությունների խոսքով՝ իրենք փորձում են ազատվել հասարակության մեջ ՄԻԱՎ և ՁԻԱՀ-վարակակիրների նկատմամբ դրսևորվող բազմամյա խտրականությունից:
