ԱՄՆ-ը և Վիետնամը պատերազմից հետո առաջին անգամ խոսում են բարձր մակարդակով

ԱՄՆ շտաբների պետերի միացյալ հանձնախմբի նախագահ Մարտին Դեմփսին բանակցություններ է վարում Վիետնամի ղեկավարության հետ՝ Հարավչինական ծովում ՉԺՀ-ի ուժեղացող ակտիվության ֆոնին, հաղորդում է BBC-ի ռուսական ծառայությունը։

Հանոյը և Վաշինգտոնը մտադիր են ուժեղացնել ռազմական համագործակցությունը այն ժամանակ, երբ Պեկինը հնարավորություններ է փնտրում հորատման աշտարակներ տեղադրելու վիճելի ծովային ջրերում։

Այցի ընթացքում գեներալը կայցելի Դանանգ՝ ԱՄՆ բանակի նախկին բազա, որտեղ ամերիկացի թունագետներն աշխատում են տեղանքը մաքրել ուժեղ գործող «Ագենտ օրանժ» պրեպարատից, որը ամերիկացիները առատորեն ցանել էին վիետնական ջունգլիների վրա։