Կոլումբիայի հավաքականի պաշտպան Պաբլո Արմերոն «Ուդինեզե»-ից տեղափոխվեց «Միլան»: Այս մասին հայտարարել է «Միլան»-ի պաշտոնական կայքը.
«Մեծագույն ակումբ եմ տեղափոխվել: Մինչ «Միլան»-ին միանալը խոսել եմ Կոլումբիայի հավաքականի իմ խաղընկերների` Սապատայի ու Յեպեսի հետ, որոնք միայն լավ բաներ են ասել «Միլան»-ի մասին: Կփորձեմ անել առավելագույնը, որպեսզի արդարացնեմ երկրպագուների ու մարզիչների սպասելիքները»-, ասել է Արմերոն:
Նշվում է,որ Արմերոն «Միլան»-ում մեկ մրցաշրջան կանցկացնի վարձավճարով, այնուհետև «Միլան»-ը կարող է գնել ֆուտբոլիստի ամբողջական տրանսֆերը 3.5 մլն եվրոյով:
