Հայաստանում Beeline ապրանքանիշը ներկայացնող «ԱրմենՏել» ընկերությունը սկսել է նոր ծառայություն մատուցել: Նրանց, ովքեր օգտվում են Facebook սոցիալական ցանցից, իրենց պահանջով կարող է SMS ուղարկվել, որով կտեղեկանան իրենց անձնական էջում նոր տեղեկության կամ լուսանկարի հայտնվելու մասին:
Հաճախորդները կարող են նաև թարմացնել իրենց կարգավիճակը SMS-ի միջոցով: Ծառայությունն արժե 9 դրամ մեկ ելքային SMS-ի համար: Մինչդեռ պատասխան ծանուցումները անվճար կլինեն: Որպես ակցիա` մինչև հունիսի 1-ը հիշյալ SMS-ները կարժենան 5 դրամ: