Եգիպտոսում ղպտի քրիստոնյաների դրությունը բարելավվել է այն բանից հետո, երբ զինվորականները 2013-ին տապալեցին նախագահ Մուրսիի և «Եղբայր մուսուլմանների» վարչակարգը։ Ավելին, ավելացել է իսլամից քրիստոնեության անցնելու դեպքերը։ Այդ մասին ասվում է լատինական Երուսաղեմի պատրիարքության կայքում հրապարակված տեղեկությունում։
Հաղորդման մեջ նշվում է, որ դժվար է ստույգ գնահատել եգիպտական մահմեդականների կողմից քրիստոնեության ընդունման դեպքերը, որովհետև մկրտություն ընդունածները հաճախ թաքցնում են կրոնափոխման փաստը։ Մահմեդականները, որոնք քրիստոնյա են դարձել, առաջվա պես Եգիպտոսում կարող են դատական հետապնդման կամ նույնիսկ սպանության զոհ դառնալ, եթե նրանց մկրտության մասին հայտնի դառնա միահավատներին։
«Եթե մահմեդականը կնքվել է, նրա ընտանիքն ու հարևանները կարող են ծեծել նրան և նույնիսկ սպանել, քանի որ կատարվածն ընկալում են որպես դավաճանություն իսլամին»,- ասում է վերջերս քրիստոնեություն ընդունած մահմեդականներից մեկը։
