Friday, 29 03 2024
12:15
Բելառուսներին այսօրվանից արգելված է անօդաչու թռչող սարքեր ունենալ
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»

«Սարգսյան-Ալիև հանդիպման ժամանակ կարող են քայլեր լինել միայն լարվածության նվազեցման ուղղությամբ»

«Առաջին լրատվական»-ի զրուցակիցն է Միջազգային և անվտանգության հարցերի հայկական ինստիտուտի ղեկավար Ստեփան Սաֆարյանը:

 – Պարոն Սաֆարյան, Սերժ Սարգսյան-Իլհամ Ալիև հանդիպումից ի՞նչ սպասելիքներ ունեք:

 – Իրավիճակն այնպիսին է, որ լավագույն դեպքում կարող են քայլեր լինել միայն լարվածության նվազեցման ուղղությամբ: Ավելի մեծ ակնկալիքներ չունեմ այդ հանդիպումից:

– Որևէ հայտարարություն կամ բանակցային գործընթացում առաջընթաց չե՞ք ակնկալում:

 – Ես չեմ բացառում, որ այս հանդիպման ընթացքում էլ ստորագրվի մի տեքստ, ինչպես 2008թ. նոյեմբերին արվեց Մայենդորֆում: Եվ ընդամենը հայտարարություն լինի խնդրի խաղաղ կարգավորման վերաբերյալ, որ կողմերը, մասնավորապես Ադրբեջանը հավատարիմ կլինի դրան, ինչին մի քիչ կասկածում եմ:

– Կարծիքներ են հնչում, որ այս հանդիպման ընթացքում հնարավոր է, որ տարածաշրջանում մեծանա Ռուսաստանի դերը: Ունե՞ք նման կանխատեսում:

– Ընդհանուր առմամբ, եթե հետևում ենք վերջին մեկ տարվա ընթացքում ռուսական քաղաքականության և ռուս փորձագետների վերլուծական նյութերին, ապա ակնհայտ է դառնում, որ խնդիր է դրված ԼՂ հարցում ՌԴ ազդեցությունը տարածաշրջանում մեծացնել: Թերևս պատահական չէր, որ անցած տարի ՌԴ-ում բավականին մեծ շուքով նշվեց Գյուլիստանի պայմանագրի 200-ամյակը: Եվ չափազանց շատ գիտական ու վերլուծական նյութեր հրապարակվեցին, որ ՌԴ-ն Կովկասում, ըստ էության, փորձել է այն, ինչ 200 տարի առաջ շահել էր Գյուլիստանի համաձայնագրով: Տվյալ պարագայում ռուս փորձագետները գտնում էին, որ ԼՂ խնդիրը լավագույն ճանապարհն է Գյուլիստանյան շրջանում ռուսական ազդեցությունը վերականգնելու համար: Հետևաբար` այս առումով ՌԴ-ն փորձելու է ստեղծված իրավիճակն օգտագործել Կովկասում իր դիրքերն ամրապնդելու և առաջին հերթին Ադրբեջանի վրա իր ազդեցությունը մեծացնելու համար: Թե ինչ սակարկության դա կհանգեցնի, այս պահին դժվար է ասել: Բայց մի բանում վստահ եմ, որ պատահականությունների շարքից չէ մայիսի 17-ին Բաքվում ԱՄՆ դեսպան Մորնինգսթարի հարցազրույցը, որտեղ նա խոսում էր Ադրբեջան ռուսական ներխուժման մասին: Իհարկե, խոսքը ռազմական ներխուժման մասին չէ: Բոլոր դեպքերում, եթե նման խոշոր տերության դեսպանը Ադրբեջանում ռուսական ազդեցության վտանգ է զգում, ապա սա ամենևին չի կարող լինել հիմնազուրկ և չհենվել օպերատիվ տեղեկատվության վրա: Եվ վերջապես` պատահական չէր, որ ՌԴ-ն չափազանց ցավագին տարավ, երբ Արբեջանը մերժեց Գաբալայի ռադիոլոկացիոն կայանը վարձակալության տալ ՌԴ-ին, և այսօր ՌԴ-ն Ադրբեջանի տարածքում որևէ այլ ներկայություն չունի: Հետևաբար` այսօր խոսքը վերաբերում է ոչ միայն այդ երկրների վրա ՌԴ աճող ազդեցությանը, այլ չբացառենք նաև այլ կարգի ներկայություն Հարավային Կովկասում: Ինչպես նաև չբացառենք ՌԴ-ի՝ Ադրբեջանում որևէ ռազմական ներկայության նպատակը:

– Իսկ ինչո՞ւ է վտանգավոր, որ ՌԴ-ն ավելացնի իր ազդեցությունը Ադրբեջանի վրա:

 – Օրինակ` ռուս փորձագետները գտնում են, որ խորհրդային տարածքում և առաջին հերթին Հարավային Կովկասում խաղաղություն կարող է լինել այն դեպքում, երբ ՌԴ-ն ունի դոմինանտ դերակատարություն: Եթե Հայաստանը և Ադրբեջանը հայտնվեն նույն տերության դոմինանտ իշխանության ներքո, իհարկե, խնդիրները բարձրանալու են: Այս պահի դրությամբ, եթե ՀՀ-ն և Ադրբեջանը ունեն տարբեր երկրների հետ հարաբերություններ և գործընկեր ունենալու ազատություն, դրանով նաև ստանում են իրենց համար կարևոր պահերին խուսանավելու ազատություն: Բայց եթե դու գտնվում ես միևնույն ազդեցության դաշտում, այդտեղ արդեն խուսանավելու հնարավորությունները փոքրանում են:

– Ադրբեջանի կողմից վերջին շրջանում իրականացված դիվերսիոն գործողությունների հետ կապված հայտարարություններ են արել արևմտյան տարբեր կառույցների ներկայացուցիչներ: Որևէ դիրքորոշում կամ գոնե հայտարարություն չի արել ՀԱՊԿ-ը` այն դեպքում, երբ Հայաստանը այդ կառույցի անդամ է, Ադրբեջանը՝ ոչ:

 – Դա ոչ միայն տարօրինակ է, այլ նաև չափազանց մտահոգիչ, որովհետև մինչ այժմ ՀՀ-ում և ՌԴ-ում կրկնում էին, որ Հավաքական անվտանգության պայմանագրի շրջանակներում Հայաստանը՝ որպես դաշնակից, ապահովագրված կլինի ռազմական որևէ ոտնձգությունից: Թերևս միակ բաց մնացած խնդիրը, որ տարիների ընթացքում բավականին շատ է քննարկվել, այն հարցն էր, թե արդյո՞ք ՌԴ-ն կմիջամտի, եթե ԼՂՀ-ում վերսկսվեն պատերազմական գործողությունները: Այսինքն` խոսքը վերաբերում է նրան, թե արդյո՞ք ՀԱՊԿ-ը հովանոց է նաև ԼՂՀ տարածքի համար: Բայց հատկապես վերջին իրադարձությունները ցույց տվեցին, որ նույնիսկ Հայաստանի նկատմամբ բացահայտ ոտնձգությունները որևէ կերպ արտացոլում չեն գտնում այն համակարգում, որի անդամ է ՀՀ-ն, և դա, իհարկե, մտահոգիչ է:

– Նախապես Ֆրանսիայի նախագահ Ֆրանսուա Օլանդն էր նախաձեռնել Ս. Սարգսյանի և Ի. Ալիևի հանդիպումը, բայց դա չկայացավ: Ձեր կարծիքով` ինչո՞ւ այդ հանդիպումը չկայացավ, և այն տեղափոխվեց ՌԴ նախագահ Վլադիմիր Պուտինի հովանու ներքո:

 – Այդպիսով պարզ է դառնում, որ ՌԴ-ն ինչ-ինչ եղանակներով թույլ չէր տալիս, որ այդ հանդիպումը կայանար: Ակնհայտորեն ՌԴ-ն փորձեց առաջ անցնել Արևմուտքից` ապացուցելու համար, որ այս տարածաշրջանում ինքն է տերը: Եվ բնականաբար, եթե ՌԴ-ն շահագրգիռ լիներ ընդհանուր իրավիճակի կայունացմամբ, կարգավորմամբ, ապա հակառակը` նա իր ազդեցության լծակներով կարող էր միանալ, որ փարիզյան հանդիպումը շուտ տեղի ունենար: Վերջին հաշվով, մարտի վերջից Հաագայում Ալիևի և Սարգսյանի կողմից համաձայնությունը տրվել էր, և պետք է հանդիպման ժամկետները ճշգրտվեին: Մինչդեռ այս ամիսների ընթացքում հնարավոր չեղավ ճշգրտել այդ ժամկետները, և դրա առաջին խոչընդոտողը Ադրբեջանն էր: Հետևաբար` կարելի է ենթադրել, որ ՌԴ-ն այդ հանդիպումը թույլ չտալու համար առաջին հերթին Ադրբեջանի վրա էր աշխատում:

– Ունե՞ք կանխատեսում, որ ԼՂ կարգավորման բանակցային ֆորմատը կարող է որոշակի փոփոխություններ կրել, և ՌԴ-ն այդտեղ ավելի մեծ ազդեցություն ունենա:

– Ցավով պետք է արձանագրել, որ Մինսկի խմբի համանախագահող երկրներից ՌԴ-ն կողմերի վրա ավելի մեծ ազդեցություն ունի, այլ խնդիր է, թե ինչպես է օգտագործում այդ ազդեցությունը:

Բաժիններ
Ուղիղ
Լրահոս
Որոնում