Թուրք-ամերիկյան հարաբերությունների հարցերով կոնգերսական խումբը նախազգուշացրել է Թուրքիայի վարչապետ Ռեջեփ Թայիփ Էրդողանին նամակով, որ նրա վերջին հռետորաբանությունը զգալիորեն վնասում է թուրք-ամերիկյան հարաբերությունները, և որ գնալով դժվարանում է Թուրքիայի շահերը Վաշինգտոնում պաշտպանելը: Այս մասին փոխանցում է Today`s Zaman-ը:
Կտրուկ ձևակերպումներով նամակում դեմոկրատներն ու հանրապետականները, որոնք առաջնորդում են թուրք-ամերիկյան հարաբերությունների զարգացման ջանքերը, անցած շաաբթ նախազգուշացրել են Էրդողանին հակասեմիթական մեկնաբանությունների առնչությամբ: Նրանք Էրդողանին հայտնել են, որ նա թուրք-ամերիկյան հարաբերությունները ենթարկում է խարխլման ռիսկի:
Թուրքիան Գազայում իսրայելական ռազմական գործողության «ամենակարկառուն» քննադատներից է: Էրդողանը մեղադրել է հրեական պետությանը Հիտլերին գերազանցող բարբարոսության համար:
Նացիստական Գերմանիայի հետ Իսրայելի համեմատությունն Էրդողանի կողմից պատմականորեն սխալ է և սադրիչ՝ գրել են օրենսդիրները հուլիսի 29-ի նամակում: Նրանց կարծիքով՝ վարչապետի վերջին մեկնաբանությունները ոչ մի կերպ չեն նպաստի բռնության դադարեցմանը, այլ հակառակը՝ կնպաստեն ատելության հրահրմանը:
